Adunay 5,000 ka indibidwal ang mipahimulos sa “Gugma-Ayuda ni Nanay Nene Outreach Program” sa probinsiya ilawom sa liderato ni Governor Rosalina “Nanay Nene” Jalosjos nga gipahigayon didto sa Barangay Olingan, dakbayan sa Dipolog kaniadtong Hulyo 1, niining tuiga.
Matag-usa kanila ang nakapahimulos sa libreng serbisyo nga gihatud sa ilang tugkaran pinaagi sa mga personahe sa kagamhanang probinsyal nga walay bulok sa politika.
Sa nasayaran gikan ni Mr. Rommel Jamolod sa Provincial Health Office adunay 884 ka indbidwal ang nakapahimulos sa serbisyo gikan sa maong buhatan.
Sa maong ihap, adunay 645 ka indibidwal ang nakahimulos sa libreng konsulta pinaagi sa mga doctor sa Zamboanga del Norte Medical Center (ZNMC).
Nakadawat usab sila ug mga tambal ug bitamina.
Ingon man, adunay 87 ka mga bata ang natuli, ug 152 usab ka indibidwal ang libre nga naibtan sa ngipon.
Samtang ang Office of the Provincial Agriculturist (OPAg) nanghatag usab ug organic fertilizer ug ingon man mga binhi sa utanon para sa mga mag-uuma.
Aduna usay libreng alot para sa mga kabataan ug hamtong pinaagi sa Provincial Disaster Risk Reduction and Managemnet Office (PDRRMO).
Gipang-apod-apod usab sa taga Provincial Social Welfare and Development Office (PSWDO) ang 5,000 bags ka tag lima ka kilo nga commercial rice diin matag usa malipayong nagbitbit sa maong bugas.
Ang Nanay Nene Band (NNB) sa pagpangulo ni Kurth “Neco” Carbonel ang lead guitarist ug mga kauban maoy nihatag ug lingaw sa mga katawhan.
Alayon niini, gikalipay ug gipasalamatan ug dako sa liboan ka mga katawhan ang sa nasangpit nga programa.
Usa sa mga benepisyaryo nga si Rosemarie Taña nga taga Purok Morning Star sa maong barangay nagkanayon nga sulod sa tulo ka adlaw nasalbar na ang ilang konsumo sa bugas.
Sa kabahin usab ni Francisca L. Maquiling iyang gihulagway nga dili matupngan ang pagpanerbisyo sa inahan sa lalawigan nga si Governor Jalosjos.
Iyang gikomparar nga adunay dakong kalainan sa pagpangalagad sa nakalabay’ng administrasyon sa probinsya.
Lakip sa nagpaluyo sa programa mao ang pag-umangkon ni Governor Nanay Nene Jalosjos nga si Kanhi Zamboanga Sibugay Governor Rommel Jalosjos.
Kuyog ni Rommel Jalosjos ang Team Kausaban nga maoy usa sa nagsilbing tulay sa kalampusan sa nasangpit nga aktibidad.
Sa gipaabot nga mensahe ni Kanhi Zamboanga Sibugay Governor Jalosjos, siya nagkanayon nga dili mabalaka ang taga Olingan kay aduna pay mosunod nga mga ayuda gikan sa probinsya.
Ang tigpamaba sa gobernador nga si Atty. Ivan Patrick Ang, nipaabot sa mensahe sa gobernador.
Matud niya nga adunay importante nga travel si Governor Nanay Nene maong wala kini nakatambong sa nasangpit nga ayuda. (PIC-Raymond James Garovillo- Cameraman)
Post a Comment